Նրանից բաժանվել ես ու շատ շփոթված ես: Ուրի՞շն է հայտնվել նրա կյանքում: Ինչո՞ւ դա պիտի հենց քեզ հետ լիներ: Նրան հարցերով ողողելու փոխարեն` խելացի միջոց ընտրիր վերքը սպիացնելու համար:Բաժանումը միշտ էլ ցավոտ է: Եվ հատուկ տաղանդով օժտված լինել հարկավոր չէ՝ գուշակելու համար, թե ինչ ես ուզում անել: Եվ այսպես, ուզում ես` (1) բարձր գոռալ, (2) վերադառնալ սիրեցյալիդ մոտ, (3) խոսել նրա հետ` վերլուծելով ձեր հարաբերությունների բոլոր մանրամասները` իբր վերջ դնելու ամեն ինչին, սակայն հույսով, որ գուցե նրա որևէ խոսքից ամեն ինչ իր տեղը կընկնի, ու դու կդադարես տառապել: Մենք ընդունում ենք առաջին երկու տարբերակը: Թեև շատ լավ հասկանում ենք նաև երրորդ տարբերակի ցանկությունը: Սակայն մի՛ շտապիր այն կյանքի կոչել. փորձագետների պնդմամբ` արդեն նախկին սիրելիի աչքերի մեջ նայելը` իբր հարաբերություններ պարզելու նպատակով, ավելի կործանիչ է:«Հավատացեք` դա միայն ձեզ ավելի կցավեցնի,- ասում է Հարվարդի բժշկական համալսարանի պրոֆեսոր և The Power of Resilience գրքի համահեղինակ Ռոբերտ Բրուքսը: - Որովհետև 99%-ով անիմաստ խոսակցություն է»: Այո՛, գրեթե անհավանական է, որ խոսակցության ընթացքում պարզվի, թե սիրելիդ, փաստորեն, գաղտնի գործակալ է ու ստիպված էր հեռանալ երկրից, կամ անբուժելի հիվանդ է (կամ ձեր խոսակցությունից հետո բացի գիրկն ու ասի` վերադարձիր ինձ մոտ): Համենայն դեպս, ցանկացած պարագայում մեր խորհուրդները կօգնեն քեզ ճիշտ ու հստակ կողմնորոշվել:

Ամերիկուհի Կերրի Սմիթը իր ճակատին արված դաջվածքի համար ստացել է 10.000 ամերիկյան դոլար:
Նա իր ճակատը վաճառել է, քանի որ ցանկանում է իր 11-ամյա որդուն ուղարկել նորմալ քոլեջ, որպեսզի լավ կրթություն ստանա: Իսկ ահա նրա ճակատը այսուհետ պատված կլինի հայտնի խաղատան վեբ-կայքի հասցեով՝ «GOLDENPALACE.COM»: Կերրին առաջին «քայլող գովազդն» է ամբողջ աշխարհում:

Մեր ժամանակների ամենահայտնի գրազչիներից մեկը Բլեք-Ջեքի պրոֆեսիոնալ խաղացող Բրայան Զամբիկն է՝ Ուիզ մականունով: Նա հռաչկ է վաստակել շնորհիվ փողի համար ամեն ինչի պատրաստ մարդ լինելու: Նրա կարիերայի ամենահայտնի դրվագը թերևս 36C համարի կրծքի իմպլանտներ կրելն էր: 1994 թվականին Ուիզը գրազ եկավ 100 հազար դոլարի վրա, որ 366 օր շարունակ 36C չափսի կուրծք կունենա և ոչ միայն հաղթեց այդ գրազը, այլև մեկ տարի անց այնքան հարմարվեց իր սիլիկոնե կրծքերին, որ չհեռացրեց իմպլանտները: Ուիզը նաև մեկ ամիս բնակվում էր զուգարանում՝ 14000 դոլարի դիմաց և հանուն 25000 դոլարի էլ մեկ շաբաթ գիշերում էր արկղի մեջ:

Ըստ Microsoft Windows-ի պաշտոնական բլոգում տեղադրված հայտարարության, Windows 8.1-ի վերջնական տարբերակը հասանելի կլինի հոկտեմբերի 18-ին: Windows 8-ի օգտատերերը կարող են անվճար թարմացնել և տեղադրել 8.1 տարբերակը: Windows 8.1-ում Windows 8-ի համեմատ կատարվել են մի շարք փոփոխություններ ու ավելացել են նոր ֆունկցիաներ: Հիշեցնեմ, որ ս.թ. հունիսի 26-ին թողարկվեց Windows 8.1-ի նախնական տարբերակը, որի մասին մանրամասն կարող եք կարդալ բլոգի այս գրառման մեջ:

Հավանեցի՞ր, դե տեղեկացրու ընկերներիդ`