Google ընկերությունը հետաքրքիր ու օգտակար ծառայություններ ստեղծելու հետ միաժամանակ փորձում է մատչելի դարձնել դրանց օգտագործումը և հնարավորինս պարզ բացատրել դրանց աշխատանքի բնույթը: Վերջերս ստեղծվել է հետաքրքիր ինտերակտիվ անիմացիա, որտեղ ցուցադրվում է Gmail-ով ուղարկված նամակի ամբողջական ճանապարհը: Եթե ցանկանում եք մտնել Google-ի ներքին խոհանոց և տեսնել, թե ինչ է կատարվում ուղարկված նամակի հետ, ապա բացեք ներքևի հղումը և սեղմեք Start the story կոճակը:
Մեկնաբանություններ (0) Դիտումներ: 455 Ավելացրել է` Victor
Երևի քչերն են օգտվում Microsoft-ի կողմից առաջարկվող Bing որոնողական համակարգից, քանի որ Google-ը այս ոլորտում առաջատար է: Սակայն Bing-ը նույնպես ունի որոշակի առավելություններ: Դրանցից մեկը այն է, որ ամենօր այդ կայքի գլխավոր էջի ֆոնին հայտնվում է գեղեցիկ անիմացիա կամ լուսանկար, որի տարբեր հատվածների վրա սեղմելով կարող եք իմանալ հետաքրքիր տեղեկություններ: Այսուհետև կարող եք նաև ավտոմատ տեղադրել այդ լուսանկարները համակարգչի էկրանին, որոնք պարբերաբար կթարմացվեն և թարմություն կհաղորդեն էկրանին: Այդ ամենը անելու համար անհրաժեշտ է ներբեռնել և տեղադրել Microsoft-ի կողմից պատրաստված այս ծրագիրը: Ծրագիրը հնարավորություն է տալիս նաև կատարել որոնում անմիջապես համակարգչի էկրանից: Որոնում կատարելու համար անհրաժեշտ է ստեղնաշարի վրա սեղմել Windows+H:
Մեկնաբանություններ (0) Դիտումներ: 521 Ավելացրել է` Victor
|
