Գերմանիայի ազգային հավաքականի գլխավոր մարզիչ Յոախիմ Լյովն ընդգրկվել է Մադրիդի «Ռեալի» գլխավոր մարզչի թեկնածուների թվում:

Ինչպես տեղեկացնում է իսպանական Marca պարբերականը` «Արքայական ակումբի» նախագահ Ֆլորենտինո Պերեսը գերմանացի մասնագետին իր թիմ կհրավիրի այն դեպքում, եթե «Ռեալից» հեռանա Ժոզե Մոուրինյոն: Վերջինս մեկ անգամ չէ, որ հայտարարել է իր մտադրության մասին` ապագայում կրկին վերադառնալ Անգլիայի Պրեմիեր-Լիգա:

Հիշեցնենք, որ Յոախիմ Լյովի գլխավորությամբ Գերմանիայի ազգային հավաքականը հասել է մինչև Եվրո-2008-ի եզրափակիչ, իսկ Աշխարհի 2010թ.-ի առաջնությունում դարձել է երրորդ մրցանակակիր